गत डिसेम्बर २०२४ मा अध्यक्ष जय आले मगरको अध्यक्षतामा बसेको संघको १५२औं मासिक बैठकले संग्राहलय निर्माणको लागि केन्द्रीय  समितिद्वारा पेश गरिएका परिपत्रहरुका आधारमा तत्कालै द्वितीय  उपाध्यक्ष केदार आले मगरलाई रकम संकलन कुवेत संयोजकको जिम्मेवारी सुम्पदै रकम संकलन अभियान शुरु गरेको थियो भने १९ मार्च २०२५ मा नेपाल मगर संघको केन्द्रीय कार्यालय “मगर मुलघर” काठमाण्डौ नेपालमा स्वयं उपस्थित भई सो रकम द्वितीय  उपाध्यक्ष केदार आले मगरद्वारा केन्द्रिय समितिलाई हस्तान्तरण गरेको मगर संघ कुवेतले जानकारी दिएको छ।

मगर संघ कुवेतले रकम संकलन अभियान अनिश्चित कालसम्म निरन्तर रहने जनाउँदै सहयोग गर्न ईच्छुक मगर दाजुभाई तथा दिदीबहिनीहरुलाई संयोजक केदार आले मगर, अध्यक्ष जय आले मगर, संरक्षक मनु भुजेल मगर या मगर संघ कुवेतका कुनै पनि पदाधिकारीहरुलाई सम्पर्क गर्न अनुरोध समेत गरेको छ।

प्रथम सहिद लखन थापा मगर साँस्कृतिक संग्राहलयमा मगर जातिको साँस्कृतिक पहिचान, भेषभुषा, परिकार र सिङ्गो मगर समुदायको ईतिहासलाई समेटेर निर्माण गरिने नेपाल मगर संघको केन्द्रीय समितिले जनाएको छ।